[سعيد الصاعدي]

المشاركة الأصلية كتبت بواسطة صدى الإلهام

ياعينها يالي السهر متعبنها=قولي متى نرتاح بالله ياعين
المهره الي غاليه في ثمنها=تسوى الذهب والماس عند المودين
ترتاح روحي يوم يسري شجنها= وان عاتبت يحلى عتاب المحبين
اموت بين الخال والعين منها=واموت في البحه وفي طبعها الزين
لامن حكت يهتز منها بدنها =والصوت ترجح له جميع الموازين
تملي الفراغ العاطفي من فتنها=ريانة العود المزين بنهدين
البدر حاكى من جماله وجنها=والليل ساكن شعرها والحجاجين
من شافها سلّم ولا مال عنها = يمشي وراها لو توديه للصين
وصفي لها قاصر ومايمتهنها=بنت الاصول الي تصد المعادين
اهوى تعاليها وقلبي سكنها = من حسنها ماتو عليها السلاطين
يزهى بها بين الخلايق وطنها = تمشي الهوبنى ماتهاب المنادين
الي تغرد والهوى قد مكنها=ردت خفوقي صب في عالم الفين
ياوجد روحي يوم قلبي حظنها= غرد حمام الروض واستنهض البين
من لام قلبٍ خبته في خزنها=ربي بصالي العشق يبلاه ياعين

الاخ الفاضل / صدى الالهام
صح لسانك لاهنت
نص شعري عالي الشاعرية
من شاعر جزل جزل جزل
تسلم ويسلم فكرك يالغالي
تحياتي
أخـــوك
س / ص