[عبدالله الشويمان]

المشاركة الأصلية كتبت بواسطة ناجي عبدالله الزهراني

يا زين انا بطلبك تحكم بالانصـاف=وتبين اللي داخـل القلـب خافـي
ماني ترى محتاج قاضي وعـراف=راضي بحكمك وانت بالحكم شافـي
الصمت ما حقق كثيراً من اهـداف=ولا جعل شـرب المحبيـن صافـي
إذا حصل ما بيننـا شـد وخـلاف=فلا تظن القلـب يرضـى الخلافـي
ترى الزعل في داخل العين ينشاف=ونظرات عينك كـن فيهـا تجافـي
ما اقول انا من عافنا اليوم ينعـاف=صادق بحبي لك وهـذا اعترافـي
ترى الرجال اشكال والوان واصناف=وانا لـك الله فـي محبتـك وافـي
ياما حملنا مـن ثقيـلات وخفـاف=نمشي بها فـي سهـل ولا فيافـي
عوى لنا سرحان من كل مشـراف=يبكي لحالي فـي هجيـراً وسافـي
حزن لحالي صـار بالحـال رواف=واصبح يماشيني بليـا انصرافـي
منهُ ملكنا بالمحبـه لـه اضعـاف=ومن عزم الهجران سيره عوافـي
يا زين لا تحسب محبتك سـولاف=تمادا بها شاعـر لنظـم القوافـي
لي موقف(ن) ينعز له كل ميقـاف=لجلك وطيت الشوك بالرجل حافـي

لله درك يا اخ ناجي

اشهد بالله انك ابدعت

قصيده جزله اقدر اقول ذهبيه

صح السانك يا القرم ولا هنت