[زهرة اللوتس]

المشاركة الأصلية كتبت بواسطة صوت الإحساس

مساكم كادي

لكم قبلها ودّي

الطير طيري وقلبي عشه الدافي = لكن وش اللي مغيّر طيري الليله
ماهو على خبر قلبي خابره وافي = واليوم انادي ولا كنّي آناااديله
وش جاه مني يصد وينوي اكلافي = ما يدري اني بدونه مامعي حيله
والحمل زايد ولا تقدر له اكتافي = وين انت ياطير برمي الحمل وتشيله
لاتحسب اني اذا غنيت متعافي = هذا وجع خاطري لاهاض اغنيله
سهران ليلي ورمشك بالهوى غافي = لو شفت حالي ورب البيت تاويله
لا يالماهاجر ترى ما صابني كافي = والحظ لا مال مال وصعب تعديله
قالو بالامثال يسلم كل من خافي = وآقول من خاف بلّ الدمع منديله
لوكان ياطير شلوى قصدك انصافي = واسيت قلبي وقمت الليل تدعي له

نغضب .. بأسباااب الغيااااب
وما ان نراهم .. يذوب جليد العِتاااب
فنخضع وليس أمامُنا سِوى الانصيااع

هذا هو الحاااال .. وتغييره من المُحااال

:

شاعرنا القدير / صوت الاحساس

قصيدة تستحق الرجوع اليها مرات ومرات

صح لساانك .. وسلم الله بنااانك
قصيدة راااائعة من شاااعر اروووع

يحميك ربي على هالابيااات
التي حملت اجمل واروع المعاني


زهرة