يقول من عدّى على راس دبوس =يلعب به الهاجوس لعب (الكعابه)
هاجوسٍ اقشر من 30 هاجوس= كبر البعير ودون خشم السحابه
سر ياقلم واكتب احاسيسك دروس=زان القصيد وجاك بأول شبابه
على الذي غادر ولا ورّث فلوس=ومعذبينه فوق هذا الكلابه
ابوه عرّي من مطانيخ (طنفوس) =وأمه حنون و كل ابوها حبابه
و(ميووو) لو قلتها تبكي تيوس=وبساس حارتنا بذيك الخرابه
مرحوم يابسّن على الخط مدعوس =له سبعة ايام و لاحدن درا به
ولو كان بامريكا تطوطح له الروس=والبيت الابيض بالعزاء في كآبه