(حالف إني ماعشق المرحبانيّـة=كل من جاها تقول إنك الغالـي)
عشقتي بنت الشيـوخ السنافيّـة=والخوال أحرار في النايف العالي
مع جميع الناس تمشي حياويّـة=ماتمازح كل من جات وتلالـي
من ظلال الحيط دايم سحاويّـة=الحيا لبس ٍ لهـا بـأول وتالـي
ماتعشق إلا عشيـق الشهاميّـة=تفتخر لا قالت إن ذاك رجالـي
ريف من يشكي السنين السناويّة=يكسي أقواله بمشهود الأفعالي
من لجاله صيف يلقى معه فيّة=ومن لجاله بالشتا يعطي الغالي
جعل تفداها الغنـوج الهواويّـة=الذي مع من لقت قلبهـا سالـي