[عبدالعزيز العمار]

المشاركة الأصلية كتبت بواسطة محمد بن عمار

السلام عليكم .. أخوكم / محمد بن عما ر
اليوم يصبّح عليكم بترانيم الفكر وعربون العذر
مع الصبا ح اللي غير !!!

..... صباح النو ر ....

صباح النور يا ورد ٍ زما.. في غصنه الممدود = صباح النسمة اللي في شذاها ريحة الجوري
صباح الفل ياغصن ٍ .. تلاعب به هبوب النود = صباح الحب يابدر ٍ زها .. من شدة النوري
صباح الطير ... إذا غـّرد بلحنه و العباد رقود = صباح المهرة ... اللي تنعسف والشعر منثوري
صباح الذوق . ياطلعت رضيع ٍ .. توها مولود = تغشـّاها .. بوجنتها جمال الزين .. والحوري
صباح الورد ياقطرة ندى . حطت على العنقود = وهـّلت دمعها فوق أخضر الأوراق .. معصوري
صباح الخير ياشمس ٍ .. بدت بين الغيوم السود = كما عذراءً زهت بحجابها .والجسم مستوري
أنا جيتك ..وأنا كلي وله .. بالخافق الموعود = بتعذيب الفراق ... وكلمتين ٍ تجر ح .. شعوري
أبا أصبّح عليك .. بريحة الكادي .. ودهن العود = صباح ٍ بالذهب في صفحة التاريخ .محفوري
أروّض قلبي اللي في غرامك باذل ٍ مجهود = وأهّد ي ثاير العبرة حسب عرفي ومقدوري
كفاني ما جرالي من تبا ريح الغلا .. المجحود = سهر ليل . وشقا عين . وطوال الوقت مقهوري
على هاللي حصل واللي بيحصل من عذابي زود = أقول إن الصبر طيب ولو هو زاد مخسوري
فراقك هم . تبكية العيون ... وخافق ٍ ملهود = وشوفك عيد إلى منـّه حصل لي صرت مسروري
عذابي من عيون ٍ رمشها في حده المحدود = أشوف الموت إلا أغضت داخل النظرات محشوري
ألا يافتنة العشا ق . آ يـــــة ... ر بي ... المعبود = تجلّت صنعته. وأثني عليه الحمد . مشكوري
أحبك .. يشهد اللة .. و الليالي و النجو م شهود = أ خاف الحب يظهرني . إلا من زاد عن طوري
عليّه حلف !! لو شافك غرير ٍ في المهد . ممهود = نطق لك . يذكر اللة من جمال ٍ فيه مبهوري
و لو شافك . قمر شوال .. ليلة عيده .. المعهود = يغيب . و يجبر العا لم تصوم اليوم با لزوري

محمد بن عـمار

الغالي ابن العم محمد بن عمار :

صباح الشعر الجميل ...

صح لسانك وجاد بيانك يالقرم...

كتبت فأبدعت وأمتعت ...

تقبل اجمل تحيه وتقدير ..