[الخنساء]

المشاركة الأصلية كتبت بواسطة فلاح بن منشار

سجى فوق غصن البان طير الحمام ينوح=وغنيت من صوته على عُمّق الجراح
كأنه يذكرني بجمر الهوى والبوح=معَ فجة النور الذي يفلق الصباح
تذكرت خلاني وجا عطرهم يفوح = وناجيت نوحه من صدى قافي المباح
انا منك ياطير الحمام الشجي مذبوح=ومن بعد خلي مثل طيرٍ بلاجناح
من البعد لانفاس الغضي داخلي جموح=ولي في خفوقه تاج كسرى وبن صباح
يبادلني العشق المسمى بعشق الروح = تسامى عن اللمسات والهمس منه راح
ليا ضاق صدري ضاق صدره وجا يلوح=وكني معه عايش وهو داخلي مرتاح
يحس انزعاجي والفرح قلبه السموح=وانا احس لوعاته ولو يظهر المزاح
فسبحن ربٍ جمّع ارواحنا باللوح = انا له وهو لي والهوى حادي الارواح
وانْا قبل ماشوفه جمال اسمه المملوح=جرى من لساني مثل مايجري القراح
عسى الله يجمع بيننا ساعةٍ في دوح=ويطْفى جوى ذباح قد حل في فلاح
ولو ماتلاقينا سقى وجدنا السفوح = وصرنا حكاية حب تزهى بها الصفاح

صح لسانك مليون
لاهنت ترجمت روعة
المشاعر
سلمت ودمت بخير