[سعيد الصاعدي]

المشاركة الأصلية كتبت بواسطة عبدالله الثويني

السلام عليكم ورحمـة الله وبركاته

أضـع بين أيديكم الطاهره ، هذه الأبيات المتواضعه
لعلها تنال القليل من إعجابكم

إجـرحـينـي دام جرحي يسعدك=منك طعم المـر بلساني ، حـلا
دامني حطيـت قلبي في يدك = لو جـرحتي قـلت لجروحك ، هلا
عاشقك يانبـض قلبه يوعـدك=لو جرحتي قال زيدي ياغـلا
إجرحي ياجعلني ما أفقدك = لا تخافي من مـلامات ، الملا
إحذري يا غايتي لا يجهدك=كل حاسد با المحبه ، يجهلا
من يحآول با المحبـه ينقدك=والله إن قلبه من الطيبه ، خلا
ومن يفكر عن دروبي يبعدك=جعل يغرق في همومه والبلا
وسط قلبي يا غناتي مقعدك=زاد قدرك في خفوقي واعتلا
جـل منهـو في حياتي أوجدك=واسكنك في قلب ماعنـٌك سلا
كل عذرا من جمالك تحسدك=ياحسين الطرف ياريم الفلا
مـلٌ قلبي في منامـه يطردك=لا وصلتك زال طيفـك وانجلا
ويوم صار اليوم قلبي في يدك=لو جرحتي قلت لجروحك ... هلا

وسـلامتكم ، وعذراً على القصور

الاخ الفاضل / عبدالله الثويني
صح لسانك لاهنت
مامنك قصور ياعبدالله
نص شعري راقي جدااا به الكثير من الشاعرية والتمكن
من شاعر جزل
تسلم ويسلم فكرك يالغالي
تحياتي
أخـــــــــوك
س / ص