[ماجد الزيد]

المشاركة الأصلية كتبت بواسطة صوت الإحساس

مساكم كادي

لكم قبلها ودّي

الطير طيري وقلبي عشه الدافي = لكن وش اللي مغيّر طيري الليله
ماهو على خبر قلبي خابره وافي = واليوم انادي ولا كنّي آناااديله
وش جاه مني يصد وينوي اكلافي = ما يدري اني بدونه مامعي حيله
والحمل زايد ولا تقدر له اكتافي = وين انت ياطير برمي الحمل وتشيله
لاتحسب اني اذا غنيت متعافي = هذا وجع خاطري لاهاض اغنيله
سهران ليلي ورمشك بالهوى غافي = لو شفت حالي ورب البيت تاويله
لا يالماهاجر ترى ما صابني كافي = والحظ لا مال مال وصعب تعديله
قالو بالامثال يسلم كل من خافي = وآقول من خاف بلّ الدمع منديله
لوكان ياطير شلوى قصدك انصافي = واسيت قلبي وقمت الليل تدعي له

الصّمت في حرم الجمال جمال
ما اقول الا ابشر بخير انا اوريك
وش السّواة بالطير هذا اللي
يبي له شوزن ام ثمن والفشق
6 ماركة غزال

اما النّص فالصمت جمال
ورايي لايزيدك ولا ينقّصك
وربي يابو سجى انت شاعر
بكل ماتعنيه الكلمة من معنى
شاعر يكتب بدم قلبه