يامدعي للحب ماباقي أعتـاب=أرحـل ودع قلبـي بحالـة سبيلـه
الحب عندك لعبـة مالهـا أحسـاب=حتي المشاعر فـي حياتـك دخيلـه
لاتحسب أني جاهـلا فيـك مرتـاب=ياغير نفسي فـي هواهـا جميلـه
ولاتحسب أني بحتري لك علي الباب=وأذل نفسي لـك وذيـي مستحيلـه
أنا عزيز النفـس والطبـع غـلاب=ومارضي علي نفسي لها بالهزيلـه
من صك لك بابن فغلق لـة أبـواب=ومن لايجئ لك في الهوي لاتجئ له
هذي طبايعنـا وكـلا لـه أسبـاب=والكـل يفهـم فـي معانـي دليلـه
والحر مايثني علي الحـوم وثـاب=الا ومقناصـه غـدي فـي حميلـه
وقرم الرجال اللي عزيزين لشنـاب=تلقاه دايم فـي الشـروف الطويلـه
وتلقي جواده في مغاديف لهضـاب=مايسلك العوجـاء ولاهـي سبيلـه
ولوشاب أناقلبي عن الصبر ماشـاب=بسقيه من كاس الصبر واعتزيله
والعمر يجري لاكن الوقـت قـلاب=والدهر دولابـن علـي كـل جيلـه
يالله يامجـري مـن اليـم سحـاب=تجري به أمزون الحيا فـي مخيلـه
ويدوربه غيثا مـن الجـود سكـاب=يسقـي اديـار ظاميـات محيـلـه
حتي غدي للعشب من فوقهـا أطنـاب=وتضاولت وحش الفلا فـي مقيلـه
لي ماتري يا غير قرنن بلا ناب=في روضة يرعن أعشوب الخميلـه
أنت الرجاء ياربنا بعد لسباب= وماخاب من عبدا رجاك الوسيله
ترحم ضعيف رافـع الكـف طـلاب=يرجوك من جودك وعينـه هميله
وأختم كتابي والشعـر مالـه أكتـاب=الا علـي نظـم القوافـي وسيلـه