لو وقف بيني وبينك جيش هتلر والجنود= كلهم ضدي على أني ابتعد وارجع وراي
ووقفوا في صف واحد باقي بوضع الصمود=ما أهاب الموت حتى لوبقى هو في حراي
لأنها هذي حياتي ببعدكم نار الوقود=وش ابيها قول قلي دامك انتي مو معاي
الوفاء فينا متبادل لانعرف اية جحود=والصبر فينا تمكن وياعسى كسبك جزاي
ماوقف فيك اندفاعي دايم(ن) ساعي بزود=فارح(ن)لوصار حظي منكتب فيكم شقاي
المحبه في عروقي سايره بوضع الركود=ماتخاف ولا تبدل يجري بدمي وفاي
ولو قبري حافرينه مستعد ولا اذود=غايتي يابنت كسبك لوطلب موتي لقاي
كم صبرت اسنين عمري والجراح الي تعود=كم مشيت اشواك دربك ماشي(ن)فيها حفاي
كاالجبل ماهزته رميات اوضرب الحيود=دام روحي تنسقي قوة محبتكم دواي