[فواز الغسلان]

راكب اللي في مطـاره تنتظـر عقـب الغيـابصوتهـا مـثـل الرعـايـد حـيـن تـتـرك مـدرجـه

كنهـا الطيـر النـداوي لا شلـع فـوق السـحـابوالـكـبـاتـن بالكـبـيـنـه راسميـن(ن)مـنـهـجـه

لو بغيت اوصف جناحـه مثـل جنحـان العقـابلا شلع مـن عقـب جوع(ن)هـد حيلـه وازعجـه

تنطلـق مثـل الجـراده لا بغـت قاع(ن)خصـابوغــادرت ضـيـان جـــده بالـغـمـام ولجـلـجـه

او تقـل كفخـة قطاة(ن)ذاير(ن)جـاهـا رعــابعقب ماسمعت رصاص(ن)حول روضه هججه

مــدة الرحـلـه مــدون ضابطيـنـه بالـحـسـابوتحتـهـا نور(ن)بعيـد(ن)فـي سمـاهـا تلـعـجـه

ماصنعها اللي شبابـه راح فـي ملهـى الرحـابصنـعـة الـلـي راح عـمـره بالـدراسـه وانتـجـه

ماتخـاف الجـوع فيهـا والسبـب قـل الـزهـابوريحهـا روض البختـري والنفـل مـع عرفـجـه

وجههـا فـوق السحـايـب كنـهـا تلـبـس نـقـابوالسمـاء صـارت دروبـه فـي فضـاه مبرهجـه

لو ركبها اللي تضايق مـن جـروح الغبـن طـابوالسـفـر يـامـا ويـامـا مـــن غنـي(ن)دجـجـه

تطرب اللي ضاق صدره نـاوي(ن)دار الضبـابهـي عـلاج اللـي زمـانـه هــد حيـلـه واحـرجـه

دام دون رموش عين الزيـن طعنـات الحـرابراقبـوا مدخـل عشـيـري بالعـيـون ومخـرجـه

وصرت اعاني في غياب الزيـن نيـران العـذابولا حصل لي شوف خلـي لـو بـدرب العربجـه

انتظر شوفة عشيري واصبحت مثـل السـرابوالنصيب الشين حـاس امـآل قلبـي واسمجـه

واعـذاب الـروح دامـه ماخـذت حلـو الشـبـابوالعيـون اللـي رمـوشـه مــع حـلاهـا تدعـجـه

والكفوف اللـي زهاهـا بالحـلا نقـش الخضـابهي سبب جرح(ن)بروحي كـل يوم(ن)يسهجـه

مع ليان الخـد الابيـض لا ظهـر تحـت الحجـابالـحـلا كـلـه بـخـد الـزيـن لـــو مـــا مكـيـجـه

مثل عين الحر الاشقـر لا وقـع مثـل الشهـابتشبـه فصـوص الجواهـر والقـروص المدمجـه

منزلـه فـوق النوايـف مايجـي حـول الهـضـابوان صفـق صـدر الحبـاري راح يلعـن منسجـه

والله ان القلـب منهـا فـي ظلـوع الصـدر ذابوالسهـر رافــق جفون(ن)ليلـهـا مــا غلمـجـه

ليت قلبي عقب جرحه من هوى الخفرات تابويمسـح الـذكـرى ويـبـدى يستعـيـد البرمـجـه

وصعـب نصبـر فـي غثانـا لا بلـغ حـد النصـابوالاوادم فـــي هـواهــا تـخـتـلـف بـالامـزجــه

ومـن قفـل بابـه بوجهـي ينفتـح تسعيـن بــابدام قلـبـي مـايـعـرف الـكــذب والا الدبـلـجـه

وان هجرنـي نـور عينـي مـا لقـى منـي عتـابراح اغــادر بالـمـعـزه كالـخـيـول المـسـرجـه

ولا يطـب اليـاس قلبـي دام ماشـاب الـغـرابومـن شكانـي بالقوافـي راح اطالـب وافلـجـه

ان بغـى حكـم الشريعـه او يريـد اهـل الكتـابفاهم(ن)مسـرى حـروفـي بالبـيـان ومعـرجـه

مثل مـن جـرب نصيبـه مـن عزيزيـن الجنـابكلهـا مـع خــط بيـشـه عــن دروبــي دفلـجـه

والله ان وصال خلي هو شفاء القلب المصابوان زعــل خـلـه يعـلـه لـيـن ربـــي يـفـرجـه