[نجم الإبداع]

ياطير وصل لي المراسيل ياطير=وابلغ خفيف الروح بوح ابن منشار
قل له حبيبك ون في صدره الضير=بين الضلوع العوج صوت القنا ثار
واوصف له الحاله وقل حبكم غير = حبن سكن باقصى الحنايا تغندار
هو ذوق هالعالم فدته الطوابير = من منطقه سال العسل سيل مدرار
هو وردي الزاهي وصوت العصافير=هو زير شيلاتي وهو دقة الطار
صان العهود وصنت عهده وبه خير= طيب الغروس الي تشرف بها الدار
لولا غرامه ماضوى حولي الشير = من قوة الكهرب خشاش الحيى غار
حبه جمال وحب غيره معاثير = مابي بداله بالهوى كيف باختار
ماقد هوى غيري ولا به معاذير =عايش علشاني وانا بيده سوار
ياطير وانقل له خبر نزوة البير = والحيه الرقطاء ونفث ام منقار
مضلوم بين الناس من غير تبرير = ماحس به صاحب ولا حن له جار
حسبي على الجاني ونفاخة الكير=وحسبي على الي كيدهن يشعل النار
يالله طلبتك صب غيضك على الدير=وانك تريحنا من الناس الاشرار
ياطير ذا المرسول وده بتصوير =وابلغ خفيف الروح بوح ابن منشار