[ابومياس]

مذكرات طفل

الحلقة الرابعة والعشرون


في احد الليالي المقمرة في فصل الصيف وكان عمري بذاك الوقت 9سنوات

ونحن في فصل الصيف نفرش فرشنا خارج البيت للنوم وخاصة انا واخوي اللي اكبر مني

بثلاث سنوات طبعا كنا بالمزرعة وعندما ذهب نصف الليل وانا نايم سمعت صوت مشي

رفعت راسي واذا باخوي جالس يطوي فراشه قلت غريبة وش فيه ماجاز له الجو هنا

وناديت عليه وين رايح مارد علي قلت افا الولد زعلان لايكون غلطان عليه او مزعجه وانا

مادريت والله الا الرجال جالس يطوي الفراش ولاهو معبرني ابد 0

المهم شوي يوم شال الفراش وحطه على ظهره واطلق الريح لرجليه وانا قمت وراه

ياولد وين رايح ماقدامك الا الصحراء ارجع ياخوي ولا يرد علي دعست وراه ولحقته

ومسكته اثر اخونا بالله حالم وكل اللي سواه وهو نايم يوم صحيه يقول انا وش موقفني

شوي وينزل فراشة وينام قلت له قم الله يصلحك خلنا نرجع للبيت الان ونم هناك

ماهو نايم كل هالمسافة عن البيت ويالله اصحية ويقوم ويروح للبيت ويترك فراشه

وانا جالس اسحب له فراشه باخر الليل قلت له لازم اربطك على شان ماتروح

انت اكيد فيك جن وهم اللي يسرون فيك وبصراحة انا خفت من طاري الجن

وماقدرت انام الا قريب الفجر 0