هوى البال تكـفـيني جـروحـي عـن التـجـريح=من الـعــام تـلـعــب بالـضـمــايــر وتـحــرجـها
قضت حاجتك واجـبرت قلبي على الـتـسـريح=قـبـل تـهــتـــنـي روحــي وتـاخـذ حــوايـجــها
عطيت العـهـد واليوم قلـبك عـطـى تـصـفـيـح=والاجــواد ماتـقــلـــب طــواريـــق مـنـهـجــها
لاجل واحد(ن)عندك خذى الفوز والترشيـح=من الـلـي يـعــن خــيـول كـذبـه ويـسـرجـها
خذى الـفـوز مـنـي والـسـبـب ضربة الترجـيح=غـشـيـم(ن)وطـارت كــورتـي فـي مدارجها
تـدربــت لـكـنـي عـجـزت اضـبـط الـتـجـنـيـح=والاجواء نـسـيت اضبط قـيـوضـه وثـالـجـها
اسولف ولاافـهـم لـعـبـة الـضـحـك والـتــبـريح=والارذال فـي كــل الــــعـــرب مـا نـهــارجــها
كـتـمـت النكد وافـطن لدربي لاجل مااطيـح=واداري لواهـيب(ن)كـوى الـجوف واهـجـها
انا كنت اسـير بـحـكـمـة الــرمـز والـتـلـمــيـح=ولا بـان لــك مـعـنــى الـحروف ومـخـارجـها
وعـقـبه غديت اذكر هـوى القلب بالـتـصـريح=ونـار(ن)تـدوج عــروق روحــي وتـدهـجــها
جحيم(ن)تحت لـفـح الشمـالي بوسط الـشيـح=مثل قـصف نـيــران الـسـخــط مـن بـوارجـها
تشوف القذايف من ظـهـر زيـنـة الـتـسـلـيـح=من الـمـجــد مـاهــابــت بـالامــواج هـايـجــها
لك الله يالـولا هـرج بـعـض العرب لااصيـح=وانا خـايـف(ن)هــرج الـحــثــالــه وسـامـجـها
تـجـيـنـي عـطـورك بالـدجـى مع هبوب الريح=واذا فـاح يـســري بالـضـمــايـــر ويـبــهــجــها
طيـوفك خـذت قلبي وانا الـفارس الزحـزيـح=سرق خـافـقـي من نـجــل الاعـيـان داعـجـها
مثل زول غصن الـموز لا طال وسط السيح=على السيل ماتـشرب من الـقــاع هـامـجــها
ثـنـــايــــاك يــدعــــيـــنـي بـيـــــاضـــه بــلا تــلـــويح=الا لـيـتــنـــي مـاشــفــــت بـسـمــة مـفـــالـجـــها
احـسب الـهـوى راسـي ولا يـقـبــل الـتــنــزيح=ولااحد(ن)يـشوف عـهــود خـله ويـسـهـجــها
ويوم انكشف فارس زمانك بـدى الـتـفـضـيح=وخــلاك بـديــــار(ن)تـصـــافـــق عــجـــايـجــها
قضت فترة الضحـكه والاونـاس والـتـفـسـيـح=والاحــــلام صــار بـغــرقـــة الـنـــوم نـاسـجــها
رجـعـتــوا تـحـسـبـوني مثـل خـردة الـتـشـلـيـح=او ان الـعــواطـــف فـي يـديــنـــك تـبــرمـجــها
او انك تـجــيـب الـقـلـب بالعذر والـتـسـمـيـح=تـريــد الــرضــى بـالـلـي من الـعـام صـانــجــها
جـروح الـزمـن تـظـهـر بـجـسمـي بـلا تـشـريح=قـبـل شـوف تـقــريـر الــفـحـوص ونـتــــايـجــها
ومدام الـهـوى تـظـهــر حــروفـه بـلا تـوضـيـح=عـلامـك تـهــــيــن شـعــور روحــي وتـزعـجـها
انا تبت عن بـعــض الـطــواريـق والـتـطـبـيــح=والاريــام غـضـيــت الـبـصــر عـن مكـايـجــها
خـطـا العمر مايطـهـر مع الغسل والـتـمـسـيـح=جـبــال(ن)عـواصـيـف الـهــواء ماتـدحــرجـها
فلا تـرتـجـي لـجـروح روح الـشـقـى تـصـلـيـح=والابــواب سـكــرنــا بـوجــــهـــك مـزالـــجـــها
فلااريـد من كـفـك لـدرب الـخــطـا تـصحـيـح=ولو شـفـت طـعـــنـات الـحـشـى لا تـعـالــجـها
واذا ضقت راح اكثر من الـذكـر والـتـسـبـيـح=لـمـا الـلــه يـزيــل هــمـــوم قـلــبـــي ويـفــرجـها