كان حلم جميل عايشينه
انسان على طول فاكرينه
كان طيب اوى ومسالم
كل الناس كانوا حبينوا
كان ابويا طول عمره كريم
لا خبيث هوه ولا لايم
وعشان كده كانوا الناس
ديما بالخير فاكرينه
كان عايش كده وسطينا
ورده فى بستانها وطرحه
والبيت ملياه الفرحه
كان امله يشوفنى عروسه
لبسه الفستان والطرحه
لكن مات هوه وسابنى
لزمانى اللى معزبنى
اللى بدور على راحته
وهوه بحكمه بيتعبنى
ديما فاكراك يا حبيب
مهما بعدت انت قريب
وان طالت بيا ايامى
رجعالك مهما اغيب
وهحن لك يا ترابى
ياللى هتسلبنى شبابى
داالعمر كله يهون
وارجع لاعز احبابى
وهشوفك كده من تانى
انسان مخلص وحدانى
ينطوى وياك حرمانى
والدم يحن يا والدى
ياللى معاك عمى وجدى
جيالك واقعه فى عرضك
والخير مزروع على ارضك
لتخدنى ىمعاك فى بلادك
اللى مفيش فيها احزان
ولا حتى وساوس جان
وتاخدنى فى حضنك يابا
واشعر بحنان وطيابا
على ارض مفيش فيها غش
ورمال خصبه وطبطابا
تاوينى معاك وتاخدنى
حضنك راح يبقى فى حضنى
من غير غش وتزوير
ولا حتى كمان تصوير
لحياه اسيا وغداره
على انها حلم جميل
وهسيب قلمى وكراسى
واهجر خلانى وناسى
وانساك ياشجن يا دموع
انساك يازمانى يا اسى