[ماجد الزيد]

المشاركة الأصلية كتبت بواسطة محمد عبدالله البدراني

الأفاضل والفاضلات هذه ابيات كتبتها بأخي فهد ولا أرى ان هناك من يستحق اكثر من الأخ محبةٍ ومناجاه .. والمنادى ابني سيف
امل ان تحوز على رضاكم ::

هات القلم ياسيف واكتب على البوك = أسمى معان الشعر واجزل قوافيه
قافٍ بعمك ياحبيبي وانا ابوك = اللي له بقلبي مكانه ومغليه
عمك فهد كان المعادين حدوك = له وقفةٍ تجلى عن القلب مافيه
عزّي حزامي والسعد فيه مشروك = له لفتةٍ تفرح وتبهج مناديه
ياكثر فزعاته المن جاه مضنوك = وعزّي المن بالطيب وده يجاريه
عسره مراقي الطيب والطيب مملوك = للي مثل عمك وفعله منشميه
ياشعري اللي بجدر الناس قالوك = باخوي ذخر ابوي وايضا مماشيه
ذكرتني به يافهد وانت مبروك = لا شفت زولك حل فعله وطاريه
طاري السعد مافيه ريبٍ ولاشكوك = ولافيه غيرك يابن ابويه يحاليه
ويشهد على ماقلت ناسٍ اليا جوك = شافو لأبوك بناظرك من مساعيه
فعلٍ على وضح النقاء يوم حلوّك = وانا اشهد ان فعلك مع الناس يحييه
ولامات من عقب مثيلك وانا اخوك = ويالله عسى جناتٍ عدنٍ مماشيه

وهذه تحياتي
مع اسمى ايات الشكر والامتنان فائق التقدير واطيب المنى رعاك الاله

صح الله لسانك يابو عبدالله ملايين نعم الفحل ونعم القوم قومك
ورحم الله فقيدكم واسكنه فسيح جناته
ولامات من عقب مثيلك وانا اخوك = ويالله عسى جناتٍ عدنٍ مماشيه

لاوالله مامات وعسى سيف فخر وذخر بالدراين
احترامي وخالص مودتي وتقديري لك ومحبتي