بسم الله الرحمن الرحيم
السلام عليكم ورحمة الله وبركاته
أهنئكم وأهني نفسي بقدوم هذا الشهر الفضيل
جعله الله شهر طاعه ومغفره وأعاده الله علينا
أعوام وأعوم ونحن باكمل صحه وأحسن حال
وتقبلوا مني هذة المتواضعه بمناسبة هذا الشهر
( شهر العباده )
الشهر شرف قلت فرصه سعيده = أقول لك شهرك على الخير يزداد
يالمسلم الي كل همه وعيده = أنه يصوم الشهر والشهر ينعاد
يالله عسى شهر المكارم تعيده = على المطيع الي من الخلق عباد
ويالله يالمعبود عفوك تزيده = وتعتق رقاب الي على الصوم جهاد
والي أنحرف يارب يالله تعيده = ويصوم شهر الصوم يهنى بالأعياد
شهر العباده شهر منهو يجيده = غير المطيع الي على طول سجاد
وياحظ من يقراء ويقراء يعيده = كتاب رب الي على الخلق شهاد
والي يقوم الليل يرجي سديده = قولوا له انه صار يوتد بالوتاد
ومنهو جفا نفسه على ماتريده = أنا أشهد أنه قام للخير ينقاد
والي حفظ ثغره من الي تكيده = قولوا ترى خيره على خير الأجواد
فالشهر ليله بس ليله مجيده = ياحظ من ينشد عليها ونشاد
ليلة قدر فالشهر تلفي وحيده = والي أنحرم منها تروا الخير مافاد
لا يصرفك عنها مسلسل تريده = لا يصرفك عن قومة الليل حساد
جاهد وربك يفعل الي يريده = ومنهو تبع ربه تفكك له أشداد
أدري علومي اليوم ماهي جديده = لكن جات اليوم للشهر تنقاد
والخاتمه فرصه وجتني سعيده = أهني الي قام للصوم بجهاد
لكم ارق تحيه وكل رمضان وأنتم بخير