اقتباس:
المشاركة الأصلية كتبت بواسطة زيد راجح
صوت وصدى بيني وبين الشاعر/ خضير نايف البراق
لاغرابه كان هبت من الاربع جهات=الغرابه كان ماثور الجو أغبره
كانوا الشعار خمسين من خمس سنوات=وكل عام كان زادوا يزيده عشره
لين كل حط له في طرف بيته قناه=وبعدها صرنا شواعير رجال ومره
وانت ياللي كنت تلوي رقاب المعجبات=والله ان لك في غيابك عن الشعر أخيره
يبو نايف بعد صارت حيل ومزايدات=يازميل الحرف ماعاد للشعر ثمره
غيروا وجهه عن النهج واصبح في شتات=مابقى بينه وبين الجنون ألا شعره
فيه هم ولابس حزن دجله والفرات=جاه من قطّع وصاله ومن فج أنحره
افزعوا له في ظهور المهار المسرجات=حد باق له على الارض ياخضير شجره
زيد راجح(منتظر)
الصدى
يبوراجح كيف أجاري بيوت شاردات=من قراهن عاف شعره وقال المعذره
اشغلني واربكني بدون مقدمات=واستبدن بالمشاعر وسون شوشره
صاغنهن فنان ماهر بيوته فارقات=حبكته مايحتويها القلم والمسطره
ثار ثورة غاضب مل من طول السكات=ماتحمل واقعّ شاف له فيه اغبره
يبو راجح لو بغينا نعيد الذكريات=مايطاوعنا زمان السمر والسمسره
حولوا شعر الجزيره طرب ومسابقات=والنتايج كلها مسخره في مسخره
خطوة التغيير تبدأ من الناس الثقات=عودة اهل الشعر للشعر عز ومفخره
انعشونا بالجدايد وزيدونا ثبات=لاحضرتوا غابت اصوات ناس منكره
خضير البراق |
العزيز الغالي زيد راجح سلمه الله
الله الله صوت وصدى ولاأروع وشعراء من العيار الثقيل
لاهنت يازيد ولاهان خضير البراق
ومثل ماقال خضير : خطوة التغيير تبدأ من الناس الثقات
مثلك وشرواك يازيد
ومادامك موجود فالشعر بخير مع بقية الثقات ولدينا منهم الكثير ان شاءالله
لاهنت لاهنت وبيض الله وجهك
تحياتي
مع اسمى ايات الشكر لهكذا الشعر فائق الاحترام واطيب المنى رعاك الاله