[ماجد الزيد]

ياما حلا عصما.. فحلها طرقها=من هامة الضّلع القريشي على الجوف
قافيّة ٍ من ضلع حيزا 1برقها=الجن في مارد تدفّدف له دفوف
عامر يرددها وباخن طُرقْها=والجن من خلفه طوابير وصفوف
جنّي فدى الجوبة 2.. لها با حرقْها=قبّت ووجه ابليس مصفوق بكفوف
جنّ الشّمال الخالدي من فرقها=يكسيهم من الجوخ ولعبقر الصّوف
يدسّم شوارب كل جوفي مرقها=من وادِ السّرحان للكون با طوف
مزْنة جحيم ٍ مايقارب غرقها=ويل وسقر تزفر من النّار بعصوف
القاع بطنه ذاب لامن شرقها=لاصرّخت واد ِ الشياطين محفوف
الجوف ماتشكي لنا من أرقها=من دونها سرحااان ستر وغطا نوف
والخالدي للجوف طرقا هرقها=طرقا على برق ٍ من الجن معسوف
الخالدي لجْل الجوف نفسه سرقها=من قلب كالبالود ماشاله ضعوف
يالشّاعر المسكون كبدك خرقها=سهم ٍ جضيعه لآ ماهوب مسعوف
جنّ الشّمالب الف مذهب طِرقها3=بامري على قرع الطّبل تلّف ألوف
ميي ..بنااات الجن خااالط عرقها=وطفلي تناصفناه منكر ومعروف
يالشّاعر المغرور قلّب ورقها=لتْقاشر اهل الجوف تجْدعْك منسوف
الجوف دون الجوف حامي ز ِرَقْها 4=اشناب لعبتهم من الخلق بسيوف
الجوف لو تنظر بعينك درقها5=بالنّاصية يسْفعْك الفين زحلوف
الجوف لا مرّ النسيم بْورقها=يحني دماغه ذل من هيبة الجوف

1-ضلع حيزا قصر زعبل
2-الجوبة =من مسمّيات الجوف
3-طرقها الطرائق المذاهب المختلفه
4-زرقْها-الرماح والسِّهام
5-الدرّاق -الخوخ