ياقاف هات الصافيه من بحورك=دام ان لك في قلب ليلاك اماره
ياقاف انا لاغبت عني بازورك = ماني قطوع ولانقصني مهاره
اهواك في غيبتك والا حضورك=لانك حليب انياق ملّى الغضاره
ماقد هجرتك وانت لي من برورك=كني ابوك او صاحبك في مغاره
قل للذي حيران لاجس نورك=يعذر صويب الروح لو ماستجاره
ماهو جفاء لكن مخفي امورك = حدك على الغيبه وقفل السفاره
الي من اشواقه بدى لي سرورك=ارسلت له عذرك لــطول اصطباره
واهديت له بين القوافي عطورك=يومه نثر زهر الخزامى بغاره
واليوم دام انه جرى فيك دورك=فاطلب من الملتاعه الاستماره
ياشاعره يحتاج وقتك شعارك = يالي لشعرك دون غيرك نضاره