[محمد عبدالله البدراني]

المشاركة الأصلية كتبت بواسطة ابومياس

مساء الخير للجميع

روحي لآخر مدى . روحي مثل ماتبين=ان كان هذا اختيار النفس ممنونها
وكانه تغلي فانا لك .مثل ماتشتهين= وان كان به مشكلة فالروح من دونها
ياهاجره والعذر. للهجر ماهو سمين=مايقنع اللي حياته باح مكنونها
ماكنت اخبرك علي بسالفه تكذبين= خابر هروجك جميع الناس يروونها
ليش اختلط بالغدير العذب رمل ٍ وطين=والموية الي وردنا اختلف لونها
بعد الربيع الخضر حل الخريف الحزين=والارض تبكي عطشها وتطلب مزونها
وانا انتظاري لشوق ٍ قاسيٍ مايلين= والقلب لأجله رهين وصار مجنونها
ياهاجره لانويتي للوصل تقطعين = تذكري حالي اللي كثرة اشجونها
يمكن يعيدك حنانٍ للغلا ترجعين= ودولة هوانا تعيد امجاد قانونها
والا اتركيني وروحي مثل ماتشتهين= ياعون نفسي على فرقاك ياعونها

العزيز الغالي ابو مياس سلمه الله

ياهلا وغلا ومساء النور والسرور


لله درك يابو مياس والف مليون صح السانك

كم وكم اعجبت بصياغتك لخلجات النفس وشعور الوجدان

وكم توقفت هنا بالذات:
روحي لآخر مدى . روحي مثل ماتبين=ان كان هذا اختيار النفس ممنونها
وكانه تغلي فانا لك .مثل ماتشتهين= وان كان به مشكلة فالروح من دونها


وكم ترددت ذهابا وايابا بين ابياتك المتقنه والمفعمه بالشعر

ماأرووووووووووووعك

ملء السمع والبصر جزيل الشكر لهاكذا شعر

لله درك وبيض الله وجهك


تحياتي
مع اسمى ايات الشكر فائق الاحترام واطيب المنى رعاك الاله