ا لسلام عليكم ...
حينما تتشبّث المشاعر الثُكلى ينتج عنها
ولادة قصيدة تصوّر مشاهد من نسج الخيال ...
معكم هذه المشاركة أرجو أن ترتقي لشموخكم ،،،
((( ا لأ حـلا م ا لـو ر د يـة )))
رحت أشوفه وشوقي شايله في يدي = والأما ني تصّورلي مصافح يده
قمت أعد الثواني وأنتظر موعدي = خايف ٍ ما اشوف الزين في موعده
كانت أحلام وردّية تجي و تغدي = عزّتي . للذي يومه شبيه .. لغده
آتقلب . طوال الليل في مرقدي = وما هقيت إن طيفي زاره بمرقده
التهب في فؤادي شعلة ٍ توقدي = و المشاعر بصدري . نارها موقده
شاقني ضافي ٍ مجدوله مجعّدي = قرنه أشقر.على الأمتان ومجعدّه
آتقرّب . وهو . من شوفتي يبعدي = كيف من هو يوده لا قرب . يبعده
إشهدي يانجوم الليل ثم إشهدي = كان لي ذنب فالتاريخ . بيشهده
إشهدي إن حظي في المحبة ردي = مثل من حظه لدرب الهلاك أورده
ياخسارة عقب هالشوق ضاع جهدي = وقلبي اللي تعلّق فيه زاد جهده
من بداية كلامي واضح ٍ مقصدي = ومن طريقة جوابه بان لي مقصده
قلت حبك ( لا بن عمار ) متسيّدي = قال فدوتك . قلب ٍ أنت متسيّده
قلت أنا في النوايب عزوتي بولدي = والرجل مايخلّد ذ كره . إلاّ ولده
قال حنا عن الفزعات. ماننشدي = لالفانا عريب الأصل . ما ننشده
وأنت أظنك غريب وعاشق ٍ يابعدي = قلت أنا إلحق اللي هايم ٍ يا بعده
محمد بن عمار