[محمد بن عمار]

المشاركة الأصلية كتبت بواسطة ابومياس

اليكم مع التحيه والتقدير للجميع

انتي شروق الشمس وانتي غروبه=وانتي القمر في مظلمات الليالي
وانتي شمالي لاتجهت الـ..جنوبه = وانتي جنوبي لاتجهت الـ..شمالي
من وين ماوجهت والقلب صوبه= بكل اتجاه اشوف زوله قبالي
هي وحدها اللي في حياتي محسوبه=والقلب عن غيره عزوف ٍ(ن) وخالي
طاريه ماخلى لنا عنه توبه= سالي خذا له قلب ماهوب سالي
تراك يالمحبوب جاير بنوبه= الله يرضى لي عليكم تعالي
حبيبكم شوي ويشق ثوبه=انزل هداك الله من برج عالي
اكبر ذنوبه يوم كبرت ذنوبه= انه هوى له واحد ٍ (ن) مايبالي
خوفي من الله لاتصيبك عقوبه=باسباب هجرك ياعديم الوصالي
صاحبك والله ضايعاتٍ (ن) دروبه=تسري بي الاشواق من شان غالي
والوصل يا اغلى الوصل مابه صعوبه=والانتظار اليوم مابه مجالي
مدي كفوفك وادخلي دوب دوبه= هذي فناجيلي وهذي دلالي
امد لك كيف الغلا مادروبه = عذالنا0 فنجال لاجلك خيالي
ياروعة الاحساس هبت هبوبه=انثر ورودك يابهي الجمالي
وارجع واقول ان هب نسمة غروبه=غالي نوى بالوصل لعيون غالي

السلام عليكم
ابو مياس رائد الجمال والعذوبة
بغيت اقتبس لكن الجمال ما يتجزأ
لكي ودي وتقديري يا شاعر
محمد بن عمار