اقتباس:
ليش نفرق عن بعضنا ليش ثوب العز عارى
ليش ضاق الكون فينا وضاقت انفاس الرحابه
ليش نبكى ليش نضحك ليش نهر الوجد جارى
ليش تملك خطوه الغافل سراديب الرتابه
ليش يغرينا الجحود ان طرا للدمع طارى
ليش حزن الصدر يسكن منحنى قوس الربابه
ليش نشكى ظروفنا حرت وازداد احتيارى
وكل ابوها لو نظرنا فى ملامحها تشابه
ليش صار العمر لحظه يحكمه حكم الطوارى
ليش ما يقنع وجود الشخص من دربا مشابه
ليش يلقى الشك مرتع فى دروبى و انحسارى
وكل مايبدا بصيص لفرحتى ينسد بابه
|
صح لسانك اخوي منصور
اسئلة في الصميم ولكن تصعب الاجابة عليها
ادام الله ابداعك
دمت بود