يا عين هلّي دموعك بـدّدي همـي
أبكي دخيلك وخطي حبرك بخـدي
أبكي وبوحي هجوس اللي غدا اصمّي
يخفي أنينه بصلب القلب والكبـدي
نثري بدمعك كيانه وارجعـي لمّـي
أرجوك يا عين شوقي هدنـي هـدي
لي شهر مغبـون بالأحـزان مغتمّـي
لي شهر أدور لها ما ارتحت بالسهـدي
ذيك الهنوف التي كانت هنـا يمّـي
تحبني حـبّ مـا لـه بالمـلا نـدّي
ذيك العطوف الحليمـه دوم تهتمّـي
فيني وتفهـم إذا ناشدتهـا نشـدي
ذيك الشغوف اللهوف وحبها عمـي
وسط الحشى جوهره كالدر منضدي
يجري غوى عشقها يا عين في دمّـي
ولهان ولهان ولهـي واصـل الحـدي
أذكر إلى من بكت تمسح ترى بكُمّي
وتقول والله أحبك// خايفه فقـدي
وأقول هبّي لصدري يالغلا وضمـي
تأكدي أنت وحدك ساكنه عهـدي
أشهد بربي (( وليلي صـار معتمّـي
من فقدها آه )) أنا بالحزن معتـدّي
روعة