[هاجس نجد]

المشاركة الأصلية كتبت بواسطة مبروك بن ماضي

رغم ونة خفوقي رعشته وارتجافه = ماشعرتي بنبض القلب لي تـسكنينه
إنّه الحب ، لكن للأسف ياحسافه =تستخفين باحساسي وتتجاهلينه
أرفقي بالخفوق اللي ملكتي شغافه =دامه أصبح متيّم في يدينك رهينه
وإن تقولين عرف لي الهوى وش وصافه = طالعي في عيوني كان ماتعرفينه
وارجع آضيف جمله في غرامك إضافه = إن جهلتي المحبه فالغلا انتي بعينه
بين قلبي وقلبك مابغينا كلافه = ريحي طرفك النعسان لاتسهرينه
واتركيني أسافر في عيونك مـسـافـه=( رحلة الحب ) ماتتعب شراع الـسـفـيـنـه
صدقيني سواد العين والرمش أخافه =كم فؤادٍ بنظرات الغلا تـطعنينه
توي أدري بأن العمر لي مرْ تـافه = بعد ماضاعت بْدونك ومرت سنينه
يحس به من بلي في العشق مثلي وشافه =كيف يسلى وطيفك دوم قدام عـيـنـه
ليه ماتشفقي بي 0تأخذك بي رأفه = سلـميني يمينك وإخذي اللي تبينه
والله إني أحبك حب ماهو خرافه = صعب يخطر على بالك وتتصورينه
لانك الذوق كله والحلا واللطافه = إضحكي ما أبي شوفك بلحظه حزينه

الأخ العزيز والشاعر المحترم/ مبروك بن ماضي

صح لسانك وعلى شأنك

مبدع دائمآ شاعرنا المحبوب

وهذا الإبداع ليس مستغرب عليك

فطالما أتحفتنا بروائعك المميزة

يانجم المنتدى ونوره الوهاج

تـقبل تـحياتي وتـقديري

أخـــــوك

هاجس }{ نجـــــد