.
أشكــ
حتى
بـ الحقيقهـ
انها بصدق
الـ
حقيقهـ
وصرت في شكي
اعاني
من التفاصيل
الـ
الدقيقهـ
احترت
وين القى
يقيني
في
بقايا من سنيني
في
حنيني
او
في آياتي
العتيقهـ
نفسي القى
بصدق
نفسي!
نفسي
اتنفس بعمق..
اليوم..أمسي
ويلمع بعيني
بريقهـ
:
:
.
.
.
رحلت لداخل اعماقي أفتش عن بقايا انسان=فقدته في خريفٍ جفف البستان بايّامي
أدوّر في زوايا الذاكره نقشٍ على الجدران=دليل يعيد لاحلامي بقايا انسان باحلامي
أنا اللي سنين متغرّب بدنيا التيه والنسيان=وصل سيل الملل حدّ الضياع وموطن الآمي
ضميري في وطن جسمي مشرّد ما لقي عنوان=ينام بأرصفة جمري ويتغطى بـأوهامي
شربت الملح باحداقي وصلت لحالة الإدمان=لأني كل ما أشرب بحر بالذاكره ضامي
حروف من الشتا تكتب خريف العمر بالنكران=وأنا لو بالأمل باكتب حياتي جفت اقلامي
تعبت اشكي وانا صوتي صداه بعالم الالحان=يعيش الناي في عزف الوداع ودمعه الدامي
أبي أخلع عن الدنيا ثياب الهم والاحزان=والبّسْها بنور الشمس واكتبها بمرسامي
وأحدد في ملامحها بقايا من أمل انسان=رحل يبحث عن ورود الربيع فحقل الالغامي
رجعت وما لقيت الا نقوش تحيّر الحيران=فتات لخبز ايام السلام وريحة الهامي
.