[خميس الحوسني]

بما أن غدا يصادف يوم ميلادي أضع هذه القصيدة بين أيديكم وأتمنى أن تحوز على رضاكم..

أنا ما ودّي الا شوفتك فـي عيـد ميـلادي=سنينٍ عشتها بدونك ولا حسّيـت بالميـلاد
تمر أيّام من عمري وعادي طعمهـا عـادي=ومن شفتك تمنّيت العمر لي فات لـو ينعـاد
أسولف لك وأسولف لك وكنّي توّني بـادي=وعينك كل ما ترمش تثبّت ف الخفوق أوتاد
تكلّمني عن إحساسك وأنا يجرفنـي الـوادي=وكل ما زادت الأشواق زادوا حولي الحسّـاد
حبيبي يا غلا الحاضر ويا مـوروث أجـدادي=تعال وضمّني لصدرك بلا توقيـت أو ميعـاد
تعال أسمع نبض قلبي بإسمـك دايـم ينـادي=تعال وعيش ف أعماقي وحبّي لك غذا ومْداد
تعال وقبّل شفاتي وحـس برجـف لآيـادي=وذوق الحب بأشكاله شقا والا هنـا ورْقـاد
تعال أنقش حروف أسمك وشم يزهى به فؤادي=وأنا من دمّي أرسم لك قصر وحنا عليه أسياد
بحور الشّعر ف حضورك تنافس جوّها الهادي=تحسّسني بعواطفها وجوٍ مـش كمـا المعتـاد
تصدّق وأنت عدّالي كأنـي حاكـم بـلادي=وإذا في يوم ما شفتك فقيرٍ مـا لقالـه بـلاد
حزين الورد من دونك كئيب ولونه رْمـادي=غيابك يذبح البسمة ويقتل فرحـة الأعيـاد
أخاف من الظلام وصرت أعشقه لأنّك سنادي=ولأنك نور هالدنيا ولـو زاد السّـواد وزاد
حبيبي جيّتك تكفي.حضورك أعظم أمجـادي=تعالي عبله فقلبي وأنـا عنتـر ابـن شـدّاد

وأرجوا العذر من الجميع