أشتاقلك والجـرح بينـك وبينـي
سامحت انا والجرح عيّى يسامـح
والاّانت لين الحين مسكنك عينـي
وفي كلّ شي حولي غدا لك ملامح
تعبت اداري عنك ثـورة حنينـي
وتعبت اروّض شوق بالصدر جامح
ليه تتركنـي فديتـك
ما دريت انك طموحي
ليـه والخفّـاق بيتـك
والفراك اعظم جروحي
كلّما بالشـوق جيتـك
رحت ما ردّيت روحي
في غيابك ما بقا لي غير حالـي
كلّ ما شفتـه تحطّمـت وبكيـت
غبت عني وانت عندي راس مالي
لِعن بو قلبك على قلبـي قِسيـت
أحترق مليون مرّه وانت سالـي
مت من همي وكنّك مـا دريـت
لا متى مشغول فيك
وانت ماهمك غيابي
وكل مافيني يبيـك
بس يحلا لك عذابي
اكتئب وابكي عليك
وانت قلبك ما درابي
الخطا ما هو خطاك الّا خطاي
ليتني ما طعت قلبي في هواك
شوفني للحين احس انك معـاي
ضاعت ايّامي وانا همي رضاك
وتالية صبري معك هذا جزاي
تبتعد عنّي ويذبحنـي غـلاك
انتهينا مـا عليـه
بس باقي كلمتيـن
قلبي اللي كنت فيه
مات لجلك مرتين
يعني يمكن لوتجيه
ما يحن ولا يليـن