[هاجس نجد]

المشاركة الأصلية كتبت بواسطة الطائر المهاجر

بعد انقطاع تجاوز الشهرين او اكثر بسبب شغل الفطاحلة
احاول العودة بهذه المتواضعه ، فقط حتى لايجف النبع

صديت عنّك بعدما انت صديت= ونشوف من يقوى الهجر بابتعاده
ما اخطيت في حقك ولاني تجنيت= والبادي اظلم دام صد بإراده
وان كان في بالك ابتبعك لا اقفيت= اخطيت في ظنك فلا هيب عاده
فالمقفي اقفي عنه مهما تعنيت= حتى ولو في شوفتي له سعاده
خل الذي شاورت ينفعك لا جيت= تنوي المنام وما بغتك الوساده
تبات هم وغم والفكر تشتيت = وتشوف كل الكون زاد بسواده
صحيح انا احبك وفي حبك اشفيت= واصبحت في قلبي تولى القياده
لكن مدام انك بصددك تماديت = ادوس قلبي لو اعيش بوحاده
ان كان تبغى الحق في حقي اخطيت= فراجع قرارك دام مافيه فاده
وخذها نصيحه كان بالعقل حبيت= من طاوع العذال عاش بنكاده
ومن يقبل بعلم وصل دون تثبيت= ما تنفعه لحظة ندم في حصاده

شاعرنا الغالي الدكتور / عثمان العبد الله

صح لسانك وعلا شأنك

حاولت أقتبس بعض الأبيات وجدتها من أولها لآخرها تستاهل النسخ

مشاء الله عليك شاعر متجدد ومتطور

تقبل ودي وتقديري

أخــــوك

هاجس }{ نجـــــد