[عبدالعزيز العمار]

المشاركة الأصلية كتبت بواسطة محمد بن عمار

السلام عليكم ...
لذوائقكم الشامخة نصيب من تواضعنا ..
مع المشاركة الجديدة ...


خصلـتـين ٍ فوق خـده

ويل منهو صارت الأيام ضدّه = كلما تصفى .. يكد ّرها شوايب
ضامرالسرجوف مدري ويش حدّه = يبتعـد عني بلا ذنب وسبايب
حبل وصله كلما حاولت أمدّه = يقطعه ما خاف من ربي عقايب
وآعذابي .. لا تمايل لي بقدّه = غصن موز ٍ ذعذعه هب الهبايب
ايتهصّر بالمشي لارحم جدّه = وايتعمّد يظهر أنصاف الذوايب
مرخي ٍ له خصلتين ٍٍ فوق خدّه = ماشي ٍ يلعب بهن والقلب ذايب
لا فتلهن انطون بإ صباع يدّه = وإن تركهن وصلن حدود الترايب
صاب قلبي لحظ عينه يوم لدّه = وإنتثر دمعي على خدي سكايب
ونابي ٍ يشكي المضايق منه ندّه = لا تثنّى شفت انا منه العجايب
صرت من عقب الرخا في حال شدّه = وانا كم لي عن دروب الغي تايب
والله ان قلب العنا ما هوب ودّه = لكن الأقدار.. به مخطي وصايب

محمد بن عما ر

الغالي ابن العم محمد بن عمار //

صح لسانك بليوووون ولايكفووووون

أجدت في وصف الشوق ولوعته بحرفنة شاعر متمكن ..

لاهان راسك ويسلم بنانك يالغالي..

تقبل مروري وتحياتي...