برنامج شاعر المليون.. يمكن يكون ناجح لكن نزيه لااااا..

وانت ذكرت بمقالك انو كل واحد يسأل نفسه صوت لشاعره او لا؟

كليتنا بس بلحالها اكثر من 100 طالبه تبرعوا بـ50 % من مكافأتهم دعم للشاعر ناصر الفراعنه..

والناس اللي قريبين لي استنزفوا كل اموالهم دعم له ..


وانا كنت بمنتديات الشاعر ناصر وكنت اقرا واشوف شيوخ دعموه بملايين

والناس القريبين له دعموه بالملايين ..

انا ماعندي مشكله مع الشاعر التميمي وبالعكس لو خيروني باللي ياخذ البيرق غير ناصر كنت بختار التميمي مع العلم اني مااحفظ له ولا بيت لكن لانه انسان خلوق جدا ..

ومااظن قطر دعمته لانه اساسا سعودي ومن عائلة الشبرمي من حائل اللي هي ديرتي ..

المشكله مو ان ناصر مافاز ولا هاجمنا البرنامج لانهم ماعطوه الخب الاحمر (البيرق) المشكله كانت بـ2% وبس

يعني معقوله كل هالتصويت واخرها 2%

يعني لو عطوه نسبه تنصدق كان مو مشكله..

وبالنسخه الاولى من البرنامج يوم فاز ابن فطيس ماقلنا شي مع اني كنت اشجع عبدالرحمن الشمري بس كنا نشوف الدعم الواضح له يعني ماتفاجأنا مع ان شيوخ الجربا دعموا عبدالرحمن بمليون دولار غير شمر اللي كانت وراه وفزعة شمر غنيه عن التعريف..


لكن ناصر الفراعنه ياخذ 2% وتقول برنامج نزيه !!!!!!!

الصغير والكبير العرب والاجانب .. مقاطع لهنود ولشغالات ولاطفال وشيبان ودفعة الطلاب بااستراليا وغيرهم الكثير والكثير كلهم يرددون قصايد ناصر ..

اخوي عمره سنتين شاف صورته خلفيه لجهازي قال ناقتي ياناقتي ..

والغريب انو مافي ولامقطع لاي شخص حافظ اي بيت من اي شاعر من شعراء (شارع الملعون) ابد ..

لكن ناصر شاعر المليار قلب.. واخذ بيارق من مشاعر العالم وتعاطفهم وحبهم له ومسانتدهم..

وماحنا بحاجة لخبهم الاحمر وفلوسهم اللي استنزفوها من الناس وخدعوهم..

واخيرا اختلاف الراي لايفسد للود قضيه ..