إن جيت في ليلي تزخرف بك النـور=وان رحت راحت في ضفافك حياتـي
يا ضحكـة العالـم وياجنـة الحـور=مات الصبر يشـرب حنيـن امنياتـي
ليت الليالي في ثـرى طيبـك اتـدور=يوم أوجست روحك سبايـب سكاتـي
أوليتني في هاجس الـدرب مأسـور=لا صـار دربـك فاالمحبـه عصاتـي
أوليتني في خاطرك لحظـة اغـرور=ألجم عنـادك واركنـك فـي جهاتـي
مليت اسامح وابني لهرجـك اسطـور=ودّي أبعثـر فـي جنونـك شتاتـي
مليت أجامل والحـزن قلـب مقهـور=لاذاب وصلـك فـي بحـر ذكرياتـي
ياما سهرتك والحشـا بيـت مهجـور=ودّي أطيـر فـي ظلامـك سبـاتـي
وان جيت اعاتب واشكي الظلم والجور=مات الوعد واستوطـن الحلـم ذاتـي
خذني على درب العشق نفحة ازهـور=أسكـن خيـالـك والمـحـك فاالتفاتـي
خذني على وجه الشفق ضجة اعطور=أنثـر ودادك واكتبـك فـي وصاتـي
خذني على صدر الغلا كتلـة اشعـور=آطا علـى حسنـك وألملـم رفاتـي
الاخ الشاعر القدير
شوقي العامري
صح لسانك ولا هان راسك
ابدعت فيها بيض الله وجهك
جزاله ومعاني وافيه
تقبل تحياتي وتقديري لك