[ماجد المهدي]

خروج عن الطور


@
@
@

يا قاف لا تبكي ولا تبكيني = حبر الدموع امخلصٍ من عيني
تكفى تغير موجتك لا حيني = يرجع حبيبي لدنيتي من ثااني
ادري فراقه ساكنٍ بحروفك = ادري ومقدري حيرتك وضروفك
لكن طلبتك خلنا بقطوفك = دام الثمار بخافقك بدواني
البارحة يا قاف انا مع خلي = واسمع وضيعٍ طاعنٍ في نسلي
انا اشهد انه جاهلٍ مختلي= يا قاف شب وعلمّه قيفاني
ابلغ نسل طرش البحر يا قافي= أني وأيم الله ردي شافي
تالله ثم تالله يا ذا الحافي = امرك مريراً زمهريراً فاني
اجنت على انفاسها برقوشه = ظنت بشوشه قد علتها شوشه
لين الحقايق انجلت مغشوشه = دوّر على اصلك باسفل القيعاني
كلٍ يرى الناس بعيون طبوعه = والجاهل اللي ما درى عن كوعه
يا حاسد اللي شجرته مقلوعه = حنا العروبه فسئل العرباني
ياصلك عنا كل خير وحكمه = ندري بما تحويه هذي النجمه
ومحافظين على العصر والعتمه = ونقدر اللي قد علا بالشاني
اصبحت في هجوك انا بالعاله = انصحك ياللي عابثٍ بمقاله
ياللي قصيدي قد دناه وطاله= صون اللسان بحضرة القحطاني
خذ مني اقصير الهروج واقصر =واعقل كلامي يا الغبي يا المدبر
حنا بني قحطان لو ما تخبر = اصل العرب قحطان او عدناني
قحطان يا نسل الكرم والطيبه = من مثلكم علم ودراية وهيبه
مهما احاول وصفكم ما اصيبه = يعجز قصيدي والقلم ولساني
يالله تكثر حبرنا في ارضك = يالله جعلنا عابديك ونرضك
يالله تأمّنّا بليلة عرضك = يا قادرٍ يا واسع الغفراني

تحياتي

ماجد المهدي