الطلاق في الفتره الاولى من الزواج كثير لان الاختلافات بين الزوجين تكون كبيره
هي من بيئه وهو من بيئه
وكل واحد يبي يفرض نظامه وشخصيته بالبيت
الحين بالبيت الواحد يختلف مع اخوانه وامه وابوه اللي متربي معهم طول عمره
فما بالك جايبين اثنين كل واحد من بيئه غير شكل وتبيهم يتفقون بكل بساطه ؟؟؟!!!
اقل فتره للوصول للاتفاق بين الزوجين والتوافق حسب الدراسات العلميه خمس سنوات
والسنه الاولى دايم تكون اصعب شيء
وياشين البنات لاتميلحت وقالت طلقني وهي مب قصدها تبي الطلاق يقالها تبي تعرف غلاها
تبيه يقولها لاياعمري الحياة بدونك ولاشيء مقدر على بعدك
وهو يفهم ان الموضوع جد وياخذها من منطلق كرامه وعزة نفس ويروح يطلق
اساسا الرجال هو العاقل وهو اللي مطلوب منه يحتوي زوجته ويدلعها ويفهمها ويحن عليها
ويعاملها كزوجه وطفله في نفس الوقت
اذا اعطاها الحنان والاحتواء والحب والعاطفه راح تنقاد له بكل بساطه لان البنات عاطفيات
يعني قد مايعطي قد مابياخذ منها طاعه واحترام وتضحيه
هذي وجهة نظري
والعتب على الرجال بموضوع الطلاق لانه هو اللي المفروض يكبر عقله