[هاجس نجد]

المشاركة الأصلية كتبت بواسطة الطائر المهاجر

تأخرتي عليّ وزاد شوقي = ابصبر بسّ مالي مقدريّه
مع الأيام يتعبني خفوقي = يجرّ الصوت بجروح نديّه
ينادي لك بإحساسٍ صدوقي= تعالي وانظري حالي رديّه
اسابيع مضت زادت حروقي= احس بها سنه واكثر شويّه
شراعي تاه والأمواج فوقي = بغبّ الليل لافجر وهويّه
افتش عنك واثرك في عروقي= مع النبضات في عمق الخليّه
ورحتي بعيد لا رعد وبروقي = سحابة صيف وعروقي ظميّه
توحّد بي هواجيسٍ تعوقي = جيوش الياس من حولي قويّه
ولا تدرين عن خافي عموقي= سليتني بعد كنتي الوفيّه
يدك في بارد الماء الدفوقي = ويدي بالنار تحرقها اللضيّه
اذا الفرقى على كيفك تروقي = تراها قتل عمدٍ للضحيّه
كفاني ماجرى جفت عروقي= تعبت امشي وقيدك في يديّه
انا المسجون في سجن الرموق= اخاف السجن ما يصبر عليّه
واخاف الليل والنجم السروقي= اذا طالعت يخطفني عشيّه
وانا اللي ما دخل احدٍ بذوقي = سوى اللي علمتني الجاذبيّه
ايا ريح الصبا احمل لشوقي = معك اجمل سلامي والتحيّه
صباح الخير يا نبض الخفوقي= ترفق بي ترى بُعدك خطيّه

الغالي أبو عبد الله صح لسانك وقلبك

أروع من الروعه وأجمل من الجمال

والله إنك شاعر كبير فوق ما تتوقع

طبيت على الجرح يا أبو عبدالله

وش أصف فيك وش أخلي منّك

هذه درر ونادرة جديدة من دررك التي تعودنا عليها منك دائماً

أجبرتني على الوقوف عندها طــوييييييلاً

الله يحفظك ويرحم والديك يا طبيب القلوب

تقبل ودي ومحبتي وتقديري

أخــــوك

سعــد عبــد اللــه العبيــد

هاجس }{ نجــــــد