الموضوع: غير لايق !!
عرض مشاركة واحدة
قديم 12-05-2008, 08:33 PM   رقم المشاركة : 1
عادل العتيبي
شاعر





معلومات إضافية
  النقاط : 10
  الحالة :عادل العتيبي غير متواجد حالياً

 

افتراضي غير لايق !!


انتهينا دام هذي هي بدايات الطريق=لاتكثر في كلامك والملامة خلّها
واسمع العلم المبدّا وأفهم العلم الوثيق=تحّت غصن الشجّرة اللي مايضلل ضلّها
غير لايق ياحياتي يعني أنه مايليق=ماهو انت اللي ترجاك البشر وتذلّها
ولو عينك عين ظبي/ وقدك المرهف رشيق=ولو خدودك مثل ورد الروضتين وفلّها
كم شفت من المواجع في طرف عين الغريق=يوم دمعات الرجا فوق الخدود اهلّها
كيف تطعن في قفاي وتبحث الجرح العميق=والسيوف النرجسية في قفاي تسلّها
سيفك اللي لارفعته في السماء جاله بريق=وسط قلبي يطوي ايام الزمن ويفلّها
وكل ماتفرج بعينك صارت بعيني تضيق=انت عقدة في الزمان وماقدرت احلّها
صدتك يانور عيني شبت بجوفي حريق=والكبود الظامية متى تجي وتبلّها
حاجتي قدام بابك دونها تسعين ريق=كيف ابقضي عازتي من دونهم وأوصلّها
كيف شفت ان الردي وجهه مثل وجه الطليق=والتجارب بينتلك دقها من جلّها
اسمع اسمع كلمتي قدام من سقمك تفيق=ومن خفوقك امسح ايام الغرام وشلّها
اعتبرني مثل اخوك من الأبو غير الشقيق=بلغ احساسك وقلبك والمشاعر قلّها
انتهينا دام هذي هي بدايات الطريق=لاتكثر في كلامك والملامة خلّها






توقيع عادل العتيبي
 
  رد مع اقتباس