القلب مهموم والظلوع تنهد = وكيف برتاح والغزال بعيده
راجع لحبي ذا الخبر مؤكد = راجع اليها والهوى نعيده
خد المليحه ما اجمله مورد = بوسط صنعاء شفتها سعيده
لها خطى كنها ظبى مشرد = شبهتها مثل الظبى الشريده
بغربتي عنها حزين مجهد = من غبت عنها تختلف فريده
عند اللقاء قلبي اكيد بيسعد = والصوت يرفع منتظم نشيده
اعطوا لقلبي ما طلب وحدد = وانتوا لكم شبوه مع الحديده
ذاك الفرح با نلبسه مجدد = ما اريد غير الحلوه الفريده
من غربتي عيني بنوم مسهد = حتى قليبي قد رفع نهيده
ما اختار قلبي خيرها ولا حد = فمنها غذى جميع وريده
كم سر قلبي منها وعيد = واليوم قلبي حالته شديده
وكم تصيد قلبنا وفيد = واليوم قلبي حالته بليده
واليوم قلبي بالهموم مهدد = ياقلبي اصبر عودتي اكيده
ياقلب مالك بالهموم مجدد = اصبر قليل ذاك الفرح نعيده
جعلت حبي بالقناه مردد = واعلنت حبي داخل الجريده
دعوت ربي وسط كل معبد = اوصل لحبي كل ما تريده
اكيد راجع للمليح الجرد = راجع انا للحلوه السعيده
قلبي من الهم قد اخذ وزيد = بعودة الجيد تسعد المجيده
راجع لقلبي للمليح الاغيد = راجع وبسعد حلوتي الوحيده
من دونها قلبي اكيد محيد = لذا احرصوا لاتبعدوا الجديده
الحب دايم بيننا موحد = منسا هواها دوم هي زهيده
صنعاء اكيد فيها الجمال معدد = برجع لها حتى ولو بعيده
ياطالعين صنعاء بموتر اسود = قولوا لصنعاء قلبنا تعيده
قولوا لها ذاك الطبيب مقيد = لولا القيود انه مع الوليده
صنعاء هواها هدني وفرد = ذاك الهوى للقلب من يجيده
شلوا لكم نصف اليمن محدد = وسجلوا صنعاء بكم جريده
ماهمني سجني ولو مؤبد = من اجل صنعاء قلت كم قصيده
برجع لها يوم الرجوع نسعد = والحب الاول ذاك با نزيده