[نجم الإبداع]

احمد الله على المكتوب في كل حال=واشكره كل لحظه من توالي النعيم
الذي خفف القدره وكانت محال = تحت تيدر تريله قمت منها سليم
كنت ساري بليل وعقب جاه اختلال=وارتطم موتري في شي مظلم عتيم
مادري اش صار يوم اغفيت تحت الظلال=مادريت اش حصل والفكر فوقه سديم
عقب مافقت شفت الدم فوقي مسال= وموتري مابقى به غير مقعد وسيم
وحدي اصارع الآلام والكل فال= ماوقف لي سوى شخصين بين الحطيم
كلموا نمرة الاسعاف نعم الرجال=ياجزاهم من الرحمن خيرا عميم
عقب ماجاني الاسعاف عفت الجدال= سرت عايش بغيبوبه وربك عليم
وصلوني لمستشفى القطيف الهلال= وعقب يومين فقت وداخلي كالهشيم
صحت جيبوا لي الدكتور في هالمجال= احمد ابن الفرج ياجعل سعده مقيم
سيّر الله على ايديه السلامه ونال= شكر قلبي وباخلاقه يطيب السقيم
اشهد انه موفق فيه طيب الخلال=استشاري الجراح وراس مثله حكيم
نمت فوق السرير الابيض وليل طال=سبكوني بلياتٍ وكني فطيم
مانفذ صبر قلبي مير مات الخيال= صرت اناظر بحالي رحمتك ياحليم
كلم الشيخ ابو عمار عقب الزوال=وابن مرعي وزاروني بنفحات ديم
كل من زارني مشكور منه الوصال=وادعي الله له من قلب متعب اليم
في معاناه عايش والالم كل جال= واتصبر واسلي خاطري بالغميم
اشكرك يأله الكون ياذو الجلال= كل شيٍ بتقديرك وجرحي مليم
بعد مامرت اسبوعين مثل الجبال=خرجوني وروحي من فرحها تهيم
رحت للبيت واتريحت بين العيال=عمر ثاني انكتب لي من الهٍ عظيم
اشكره كل ماهبت هبوب الشمال=خالق الكون من يطلبه ماجاه ظيم
والصلاه عالنبي الهادي كريم الخصال=سيد الخلق ذكره بيننا مستديم