[عبدالعزيز العمار]

المشاركة الأصلية كتبت بواسطة محمد بن عمار

السلام عليكم ...
ا حبابي الفطاحلة الكرام .
العذر من الله ثم منكم
والسموحة عن القصور .
معكم هذه المشاركة الجديدة ..

.
.
.
ســـا عــة ا لــصـــبـر

ليه ياناعس الطرفين د معك جرى = إحترق ناظرك . من حرّ نار الدموع
وش سبب د معك اللي تنثره ياترى = من عذاب المفارق أو دليل الخضوع
تحسب إن المشاعر سلعة ٍ تشترى = يوم تقطع علي وصلك وخط الرجوع
خف من الله بحال ٍ من غيابك برى = مثل بري الورق في عاليات الجذوع
والخفوق الذي بين المحاني انفرى = من كثر رجفته أثرّ بحدب الضلوع
عشت أنا وأنت حب ٍ ماحد ٍ به درى =في نعيم الهوى توضي علينا الشموع
حارم ٍ نفسي الراحة وطعم الكرى = مايطيب المنام لناظري . والهجوع
أسهر الليل وفكري مع خيالك سرى = آترقبّ حضورك .. كل ليلة .. ربوع
ساعة الصبر ترجع بالدقايق ورى = والثواني تعادل في غيابك اسبوع
كيف قلبك على هجران خلك ضرى = صار مثل الحجر في قسوته و الطبوع
ودام طاري مفارقنا . لبالك طرى = خاطري طاب وقلبي في قراره قنوع

محمد بن عما ر

الغالي ابن العم محمد بن عمار /

صح لسانك وقلبك وفكرك ...

كتبت فأبدعت وأمتعتنا بهذه الرائعه ..

تقبل أعذب التحايا والتقدير لشخصك الكريم ..

دمت بخير ...