[هاجس نجد]

المشاركة الأصلية كتبت بواسطة شجاع عمر الأكلبي

أرحبوا


فالكم من الله طيّب

أدله ليا سجيت بأرضٍ خليّة=فيها الذيابه في دجاها تعاوا
ماسمع من الأوناس فيها دعيّة=كود الطيور اللي تطير وتهاوا
أتبع هوا نفسٍ قزوي وشقيّة=فيها الطواري تختلف ثم تراوا
نفسي معودها لعشق العليّة=ترقى سنود وشوفها للعلاوا
مشي الخلا طب النفوس الأبيّة=نفوس الحرار اللي بمشيه تداوا
أسجها بعزوم شوقٍ جريّة=وألقابها للنفس قمّة سلاوا
مامعي كود الدّلة الرسلنيّة=ومطعومها والما قراحٍ وماوا
وأشب ضوي في خبوتٍ عذيّة=أشبها في زاميات النباوا
مابين هضبٍ شامخاتٍ ذريّة=وبرانها تو الدحالة تلاوا
أخير من شوف الوجيه الهبيّة=اللي الوفا والغدر معهم تساوا
أهل العزوم الوانيات الردية=إركابها دون الطويلة تثاوا
إليا تعذر خوّة الكفو ليّه=مانيب ويا اللاش ربع إنتخاوا
ولا أزكي المجرم ولا أدهى البريّة=أراقب اللي فوق عرشه تساوا
وأقوم وأسجد له بنفسٍ رضيّة=وأدعوه يغفر مذنبات الخطاوا
والله يجملني بمن ضن فيّة=أما بعيد الدار ولا الدناوا
الكفو للطوله عزومه قويّة=وليا فعل طيبٍ لفعله تشاوا

الشاعر القدير / شجاع عمر الأكلبي
أرحب يا أبو عمر
شكرنا الجزيل لكم على تلبية الدعوة
حياك الله بين أخوانك الشعار
المنتدى منتداك ومنور بوجودك
صح لسانك وعلا شأنك
كفو يالذيب علومك كلها غانمه
أتمنى منك اللإستمرار معنا
واتحافنا بقصائدك الفذة والنادره
عزالله انضمامك معنا شرف كبير لنا
ومكسب لا يقدر بثمن
ونفرح بشرواك من الشعار المحترمين
تـقبل تـحياتـي وتـقديري بشخصك الكريم
أخــــوك
سعـد بن عبـد الله العبيـــد