اقتباس:
المشاركة الأصلية كتبت بواسطة منصور المري
هذه البيات قلتها على لسان واحد من الربع لأصلاح البين بأمر ما وبعد اخذه لها اتصل علي باليوم الثاني يبشرني ان الأمور تمت بأحسن حال ،،، وكنت متحفظ على نشرها حتى يتم موضوعه درء لمشاعره .
ان كان بك ياعشيري ضيقة مني = وتقول في بعدنا بالحيل شفقاني
فانا بعد مثلكم لو كان تمــحني= اصبر بهمي شهر واعود طرباني
اخير لنا البعد دامك حيل ماحني = ولا قـريب وتـعمد دوم حـقراني
لاتحسب انحن ربع لو تبتعد مني=عـاداتنا والسلوم اصير قوماني
ولاتحسب ان بعدكم يالحيل شاحني =وانك مثل مامضى دوم على الساني
لاخير في عشرة مانته بــوامني= و تقـول فينا و فينا وانت بـراني
راحت ايامـي معك مـاني بــمتهني= من شاف حالي يقول اش فيك مرضاني
كني غريب من ابلاده وكافـلني= نوبٍ تهدد بطرد ونوب تسباني
الله كريـمٍ يــزيـنها عـلى ضـني =ونرجع مثل مامضى بالحيل خلاني
والا اشلعك شلعة المضروس للسني= لارتاح منه وهو من قبل وجعاني
|
لاغرد الطير والمري شكى المني=هاضت هواجيس من قلبي ووجداني
انا ضر الحرف وارمق رمعة الفني=واقول منصور يمكن راح تطواني
لمست نبض القوافي نبض كلمني=واحترت في رمعته واسباب الاكواني
حاولت اعدي على الموضوع ماكني=شفت المرامي ولا غنيت الالحاني
لكن مما جرى في المنتدى جني = قالت ترى صاحبك بالحيل حنقاني
احترت واللون الاحمر مال للبني= وزنت واثر البلا في ميل ميزاني
دخلت بالعمق والموال مشغلني = لاهو موجه لزيد ولا لعثماني
وانا رفعت القضيه يوم عاندني = لايكون قصده قراري والهب اشجاني
قلت اقضي الدين وان صار العمى مني=يبشر بسعده ومثله شخص حقاني
والحق قدره عزيز ودوم معجبني = مثله شرف تاج زاهي فوق الاوطاني