[هاجس نجد]

المشاركة الأصلية كتبت بواسطة فلاح بن منشار

هلا بالي لفْت من عقب هجر بدمعة التمـساح= تذكرني بماضي راح صرت اليوم له ســــالي
سنين العمر ضاعت بين ظلمك في أسى وجراح =حسافه جيت متأخر ودمعــــــك خفف اثقالي
تذكر يوم انا اترجاك وآجي لك وســـــــدي باح= تقول ابعد وفارقنــــــي بانمي رؤس أموالي
تبيع الي يحبك لاجل مــــــال ودم قلبي اسفاح=جَرْح حبل الوريد الـــــحزن واغرق كل آمالي
انا ! كم للنجوم أرسلت عبره مطلقات أسراح= وكم ناجيت طيفك في صـدى الذكرى وتِعلالي
تصدق كنت بك مجنون كدت اصبح بها سفاح= ولولا الخـــــــــوف من ربي لكنت اليوم قتالي
ركب راسي جنون وهم واسمع لي دوي اسلاح=وغادرت الديار وسـرت عايش في الخلا الخالي
نظمت الشعر لاجلك من جنوني يطرب الأرواح= تسطر بالجرايد واعلن الإعلام مرســــــالي
تمنيتك زمان أول وانا أحبك ولك مــــــــــرتاح=وكان الصـــــد ردك والجفا ويرضيك غربالي
زمان الحب تتغلى وتتركنـــــــــي مع الأشباح=أصارع شوق شب الــــجوف دمعي منه سيالي
وش الي ذكرك وش تعتقد يالســــــارق المزاح= نسيتك وأنســـــــني والثوب مايلبس وهو بالي
هذاك اول ليامنك زعلت الدمع مني ســـــــــاح= مضى وقت الهوى والـــحب مات ولا تهيا لي

الشاعر العزيز / فلاح بن منشار


الله الله


بيض الله وجهك على هذه الرائعة

وصح لسانك مليون ولا يكفون

جعلك تسلم على جمال ابياتك وروعتها

ويسعدني أن أكون ممن أستمتعوا بــجمال حروفك

تقبل تحياتي وتقديري

أخـــــوك

هاجس }{ نجــــــد