قريت اللي انكتب فوق وبصراحه ماادري وش اكتب
اللي ابيك تعرفينه ياعهود شيء واحد انه واذا بقينا اعادة حنا مو اول البنات واكيد مو آخرهم
والا نسيتي يوم النتايج كنتم تقولون عادي نجود لا تضيقين خلقك
وميخالف
والا سهله تقولونها
بعدين اكبر مثال حيي اختي اللي معنا تدرين انها المفروض متخرجه من سنتين
اللي كانوا بدفعتها تخرجوا وتوظفوا
يعني بدال ماتكون 4 سنين صاروا 6 سنين
وانتي تشوفينها عادي
عايشه حياتها بابتسامه عريضه
صدق ان بعض المواد رسبت فيهم ظلم
والباقي طبعا من اهمالها
وبعدين مجرد تفكيرك ترجعين وتخلين الكليه قسم بالله يضيق الصدر
يعني واذا حملنا مواد
والا بقينا اعادة لاسمح الله
بنقدر نغير شيء
اللحين نكرف يوم اننا بالتوجيهي ونجيب نسبه وندخل قسم الكل يحسدنا عليه
وبالاخير نفصل
ليه
والا نسيتي ايام البهذله يوم انك تسجلين؟
ادري ان اللي ناخذه صعب وبالانجليزي وحنا لغتنا على قدنا بس صدقيني اذا انتي حاطه هالشيء ببالك راح تصدقينه
شوفيني يوم النتايج انا الوحيده من الشله اللي حملت مواد
قسم بالله وحده ظلم والثانيه استاهل ضاق صدري هذاك اليوم وعجزت انام
تدرين والله ثم والله مو عشان شيء بس والله كنت اقول بس ابي نكون سوى يعني بدفعه وحده مافيه احد يتاخرعلى احد
وبعدين قلت يانجود حتى لو ربك كاتب تعيدين السنه راح تعيدينها
بس والله اهم شيء نكون بكلية وحده
وبعدين يااختي حرام عليك امك وابوك اللي كانوا متاملين فيك تخيبين ظنهم فيك
وبعدين حنا حطينا ببالنا اننا اغبياء ومانفهم وكلش صعب
حنا مب اغبياء حنا مهملات
والا وش زود البنات عننا
وبعدين كلكم توقعتوا يوم رسبت من بكره مااجي الكليه واتعقد وانا اللي كنت وانا ...........الخ
وجيت من بكرة وكل شيء عادي
مع اني لقيت بالبيت انواع التحطيم
حتى إن العنود قالت ماتوقعت تجين اليوم
صدقيني الدنيا كذا يوم لك ويوم عليك
مثل ماقلت لك النجاح بالكليه حظ
وانا عارفه مالي حظ
بس عادي
وبعدين لو غيرتي قسمك ورحتي عننا بعيد وش بتدخلين اقتصاد والا نبات
عهود اصحي قسمنا مطلوب
<<حسبي الله على عدوينك اكره شيء عندي لحظات الفراق
وبعدين اذا على المقالب وزعلنا لا والله اننا مازعلنا صديقني كذا نبعد الروتين والملل عن حياتنا
صدقيني يمكن انا اقول كذا عشان ماسويتي فيني شيء بس قسم بالله اننا كلنا كذا
واذا على وجدان وعلى مقلب الاربعاء والله انها مازعلت
انا سالتها وحلفت لي
من جد احلى شيء بالحياة عندي شيئين
شلتنا
والفطاحله
وقسم بالله يالمشرف العام ان منتداك ذا مسوي لنا جو
يعني هنا غير عن المنتديات الثانيه
يمكن هذا رأيي الشخصي ويمكن غيري مايوافقني الرأي
بس قسم بالله لا جيت اشغل الجهاز ابذاكر عليه يعني اطبق البرامج اللي ناخذها اول شيء اسوي اتصال واشيك على الفطاحله
يمكن اكون مااشارك كثير بس اني متواجده
ويكفي هنا شايلين الكلفه مافيه مجاملات ولاشيء وهذا اللي انا احبه
يعني اقول اللي ابي ومااخاف ذا يزعل والا ذاك يشيل بخاطره
بس صدقني كل ذا بحدود
وغير هالكلام ماعندي
بس والله احلى شيء بالحياه شيئين صداقتنا ومنتدانا