اقتباس:
المشاركة الأصلية كتبت بواسطة فلاح بن منشار
يالي تبي تعرف علوم الرياجيل = فانشد يفيدك صدق ولد بن منشار
يقول كلمة حق تمحى الاباطيل =عن ولد بن مرعي وولد ابن عمار
لقيت لي ناسن دهاه وحلاحيل = من شوفهم ترتاح ياراعي الانظار
شربت قهوتهم من اوفاء الفناجيل=والتمر بانواعه ونضرات الاحرار
فرصه سعيده جمعتنا لها ميل=بين النفوس ارتحت من وصل الاخيار
تقول نعرف بعض من عهد قابيل=ولولا المشاغل لاستوى ليل سمار
من غير موعد واجتمعنا تساهيل =نرضي مشاعرنا وراحه للابصار
في بيت ابو عمار راعي المعاميل=من بسمته ترتاح له زود مقدار
علمته الموضوع يوم اقرب الهيل=اني عجِل ماجيت غير اعرف الدار
الوقت ضيّق مير تصفى المقابيل = وانشاء الله انا نجتمع عدة امرار
رحب وسهل واقرب العود توصيل=من يدْه الكمبودي الزين مختار
انا اشهد ان الطيب ماحتاج تحليل = بيض الوجيه يجملون اهل الابصار
ان قلت شرواكم نعم زينة الجيل = يشرفون اهل البلد صٌلب الاشوار
|
السلام عليكم ورحمة الله وبركاته
بيض الله وجهك يا بن منشار
واتمنى انك تتقبل هالأبيات المتواضعة من قلب أحس بنشوة الفرح عندما وجد ما خطته يداك هنا
بسم الله أبدي منزل العصر والفيل=اللي خلقنا ويتصرف بالأعمار
سلام يا قرم وفى وزنة الكيل=يومٍ مدح لأجواد بعد الذي صار
المدح لا صار بمكانه بتعليل = كالمستند ورثٍ من حروف وأشعار
ليتك سمعت قرايته والتراتيل= ليمن كشتنا وأمنا أبو عمّار
له في الحشى منزل وله كل تحليل= في قطعة من خافقي يابن منشار
حنا ترى خمسة فحول رجاجيل= ذي صحبة من شافنا حيل يحتار
أنا ومحسن والتميمي أبو الحيل = وذيب بقعى و أبن مرعي الختيار
شكل ابن مرعي بزعل علي لني قلت انه ختيار بس ماعليكم منه تراه شايب وختيار