[سهيل الشمري]

الطعون وساع من شيخ الطعون = والمذابح من سيوفه موجعات
ياجنوني ياجنوني ياجنون = كيف احاول ردّت السيل بعباة
دولةٍ قشْرا ودستوره مجون = احْكمت للعالم بعدّة لغات
بالعسل تخْلط سموم ويشربون =والجماع بمكرها يمسي شتات
ومن نياب الغدر مدّاته تكون = والمصيبه غافلينه بالمئات
يرقصون ويصفقون وينشدون = من اجا وطويق وجبال السّراة
يابزوغ الفجر يالصبح الحنون = انْجلا بك حلْم كدّر لي مبات
له عفاريتٍ سبوا عقلي سنون = خدّروا فكري ملاعين الصّفات
روّضوني في تواجيد وشجون = لين علمي بالغوا فيه الرواة
صرْت بالسنْهم وفي شمْت العيون = ذلك المسحور ويّا المغريات
شِدّ ياقافي ولا ترضى بهون=شبّها صحْوه وحلّ المبهمات
غِزّ للبيرق وحزّم للبطون = واسْرج خيولك وسِلّ المرهفات
واعْلن التّحرير واظْهرْ عن طمون = صيحها صيحه ودمّر للسّكات
خلّ عدوان النّقاوه يعرفون =انّي الباخص لكلّ الخافيات
واني العرّاف باللي يفعلون = والمنوّف في فهام الخافيات
واخبر الدوله ترى ماني (بدون ) =من زحازيحه عروقي راويات
قلّها كبّي مَثَل ( حنا نمون )= واعْطها تالي سنينٍ ضايعات
راحت جروح وهمومٍ لمْغبون= لعن ابو دوله عروقه خايسات