ياصاحب المبداء ترى الحلم رجـال
اذا ذبحت الحلـم راحـت رجولـة
راح الزمن في ما مضاله من افعـال
وكلـن علـى ماقيـل نـوخ ذلولـه
هذا زمن (من لـه حيلـه فيحتـال)
عادي ترى والنفس ماهـي خجولـة
ياما عليها الارض من زود الاحمال
ياهي تحمل شي ماحـد(ن) يطولـه
بعض البشر يحتاج له ضربة اعقـال
نقص(ن) على الدنيا بعرضه وطوله
وبعض البشر متكبر(ن) كنه جبـال
ودك تصطـر خشتـه فـي نعولـه
وبعض الرجال من النعومة بيختـال
ودك يلبس طرحة(ن) مثل خولـه*
وبعض البشر بالبخل يضرب بالامثال
اذا طلبتـه شـي قـفـى بـزولـه
وبعض البشر لاضقت وقف ولك قال
ضيقتك هـذي هينـات(ن) حلولـه
تبي وجاهـة فيـه والا تبـي مـال
بس لاتضيق بشـي يابـن الحمولـه
هـذا هـو اللـي لاتمنيـت رجـال
يسـد بالدنيـا بعرضـه وطـولـه
الله اكبر الله أكبر
مطلعاه عن الف بيت
والقصيدة كلها عن الف قصيدة
صح لسانك من مشرق الأرض لين مغربها
ولاهان راسك يالقرم
تقبل تحياتي