رد: سامحوني 0 منطقة خاصة محظور الاقتر
(مذكرات طفل) الحلقة الثانية والعشرون في يوم من الايام وكان عمري انذاك خمس سنوات ارسلني والدي رحمه الله تعالي واسكنه فسيح جناته احظر الصاع لهم وكنا في اخر يوم من رمضان ويحتاجون الصاع في قياس زكاة الفطر والصاع بالقرية مافيه الا واحد يستعملونه اهل القرية المهم رحت اجيب لهم الصاع من المنزل وكان والدي في المزرعة وعنده مجموعة من الرجال اخذت الصاع وذهبت به الى المزرعة حيث ابي هناك جالس تحت النخل وكان وقت الظهر والصاع هو اناء من خشب وبه مطاط يتدلى منه الى الان انا ما اعرف ايش قصة المطاط كل اللي انا اعرفه ان المطاط هذا هو سبب المشكلة لاني مسكت الصاع من المطاط المربوط فيه وانقطع المطاط 0 وجيت لم الرجال وكان فيني شهاق وكل شوي اشهق عندهم على فكره الشهاق يسمونه اخواننا المصريين (الزغوطه ) اذا ماخانتي الذاكرة المهم جلست عندهم وانا خايف لاني قطعت المطاط شوي وفيه شايب كان جالس الله يرحمه قال لي وهو مطير عيونه ليش يومك تقطع المغاط ( المطاط) انا طارت عيوني مدري ايش اقول له وماقدرت ابلع ريقي شوي وانا اصيح 0 قام وجاء لمي وشالني وضمني وقال انا قصدي ابي يروح عنك الشهاق 0 بس بعد ايش بعد ماصحت بس صراحة اعتقد جلست سنه بعد ذيك الزفة ماجتني الزغوطه0 ++ ومن المواقف التي اتذكرها في نهاية دراستي للتمهيدي قبل الصف الاول كان عندنا سيارة واللي يعرف قيادتها اخوي الكبير وكان في ذاك الوقت مسافر وعندنا خالي اللي مايعرف من وين يشغل السيارة يوم طلعنا من المدرسة تفاجأنا بان خالي ينتظرنا بالسيارة الرجال مايعرف يسوق ايش جابه المهم ركبنا اللي قدام معاه بالغمارة واللي بالصندوق طبعا معانا طلاب ثانين من جيراننا رحنا للبيت وخالي ماغير يلفلف بنا شوي يسار وشوي يمين وخذ من مطبات المهم قربنا للبيت وكان فيه مظله للسيارة وعلى باله (خالي) انه يبغى يوقف السيارة بالمظله دخل المظله وطلع منها وحنا مستغربين منه ماقدامنا الا الجدار ليش تعدى المظله اثره ضيع مكان الفرامل ( البريك) وماعرف يوقف السيارة يوم قربنا للجدار بدل مايوقف اختار خيار خاطيء وضغط على البنزين اللي يسرع بالسيارة وماردنا الا الجدار االداخلي للبيت جدار السور حطمناه ودخلنا جوى البيت وكان فيه جدار فاصل بين قسم الرجال والنساء هو اللي ردنا ووقف السيارة 0 المهم نزلنا وحنا مو مصدقين ايش اللي صار 0 والا خالي معصب ويقول السيارة خربانه ماتوقف والا انا حاولت ايقافها بس هي ماوقفت يعني جالس يبرر موقفه0 المهم الحمد لله عدت على خير 0 (( ملاحظة الجدار طين )) وبس سلامتكم ولي عودة بذكريات اخرى0