[الصريح العتيبي]

الاستاذ الشاعر/سعود ابن عبدالرحمن الشبرمي كان طالباّ في جامعه الرياض ويسكن في المنطقه الشرقيه في راس تنوره وذات مساء حضرت احتفالاّ في راس تنوره وقابلت سعود الشبرمي الذي لااعرفه شخصياّ ولم اراه في حياتي الا في تلك الليله فكان برفقتي صديقيين عزيزيين يعرفانه حق المعرفه وبعد مرور اسبوعين قراْت عبر الصحف قصيده يطلب فيها الراْي والمشوره مني ومن هاذين الصديقيين واقحمنا في قافيه مضمحله وقمت انا واحد الاصدقاء بالخروج عن القافيه بينما صديقنا الثالث سايره على نفس القافيه وكان مولد هذه القصيده بعنوان(يالشبرمي ياشين حب الغصيبه) ارجوا ان تنال استحسانكم وهي على النحو التالي

يالشبرمي جرح الكرامه مصيبه=افهم معاني الحرف لاصرت حساس
يجرح ويتحداك وانته حبيبه=ومادام راضي كل هذا فلا باس
تشكي جروح من حبيبك عطيبه=وبعد الغنى ملّيت من كثر الافلاس
ياسعود قصتكم علينا غريبه=فيها غرام وهجر والشيخ محتاس
اللي مضى معها اعتبرته ضريبه=اقلع ولالك مع معذبك مجلاس
الرجل مايرضى عليه الغليبه=وليا رضى ينذّل مايرفع الراس
يالشبرمي ياشين حب الغصيبه=ينهار لو بالشبرمي ثبّت الساس
واللي دعانا يالعصيمي نجيبه=بالشعر ننظم له عقود من الماس

نزول عند رغبة الاخوه في المنتدى من مستشاريين ومراقبين وشعار بشاْن قصيدة سعود الشبرمي هانا اليوم انقلها وهي بعنوان(يابن داموك يامنتظر يابن سرحي)

خلي هناله عقب الاخلاص جرحي=وانا جروحي من سواياه خطره
يلقى السعاده في مراعة ترجي=ويضيق لامن جيت مبسوط صدره
بيديه هّدم خاين الود صرحي=ماشفت مثله في خداعه ومكره
مايستمع لاجييت ابشكيه شرحي=يقفي ويعطيني على طول ظهره
ضاعت احساباتي بجمعي وطرحي=ليته كفاني فعل خيره وشره
تبدلت ايام انسي ومرحي=ياحيلة الله مالي اليوم قدره
يابن داموك يامنتظر يابن سرحي=وش حيلتي وصويحبي بان غدره
وشلون ابيّن ياهل العرف فرحي=والحزن شامخ داخل الروح قصره

[blink]سعود عبدالرحمن الشبرمي[/blink]
وبعد ان قراْت قصيدة الاخ سعود رديت بالقصيده المنشوره في هذه الصفحه وهي بعنوان (يالشبرمي ياشين حب الغصيبه) ثم بعد ذلك كان مولد قصيدتي (اعجوبة الدنيا الثامنه) الموجوده في همس القوافي
وفي الختام تقبلوا احترامي وجل تقديري